Äs isch numal äs perfekts Wuchäendi gsi…
Am Friitig hämmer ds Ennend d Nachtumzug kah und nuch ä Uftritt im GH, am Spätfriitig vo d Spätzünderclique Ennenda. Bis i de früenä Morgästundä hämmer gfeschtet, dinnä oder au verussä bi d Wagägruppenä.
Bevors dä am Samstig wieder Ziit zum Schminkä gsi isch.
…
Uf üserem Programm isch d Tour de Glaris mit d Linthböllä Glarus gstandä. Wiä schu letztjahr, isches wieder äs super ufänand treffä gsi und so hämmer ä gmüetlichä Namittag chänä verbringä.
Am Abed isches dä wiiter gangä mitem Sternmarsch und em Monsterkonzert vo d Fasnacht GLaris.
Alles schüni gaht mal ds Endi, so au d Fasnacht 2015/2016.
So hämmer üs am Sunntig ds letztmal bim Schminkä troffä. D nah isches losgangä mitem Platzkonzert ufem Rathusplatz und mitem Umzug Glaris.
Nachem Umzug isch dän au schu d letzti Uftritt ufem Programm gstandä.
Das heisst mir händ üs vo d Fasnacht, vom Gwändli und d Schminki verabschiedet….
Äs isch ä wunderschüni Ziit gsi und das wär ohni üseri so super coolä Mitglieder gar nüd mügli, jedä einzelnä het d zuä bitreit dases zu sonerä hammer Fasnacht wordä isch.
🎪
❤️ Fascht ä Familiä ❤️🎪
Nächst Jahr gsämer üs wieder, mitemä nüä Gwändli, nüs Motto, nüi Liäder und ä nüä Mulei…