Am 20. Februar simer mitem Nachtumzug ds Ännäda, ids letztä Fasnachtswuchäendi gstartet. Ah dem Späätfriitig sind es paar lustigi Ideä ds Stand chu, wo nuch händ müesä durä gfüert werdä diä Saison…. 🙂
Mit d Linthböllä Glarus sind mir am Samstig nachem Mittag dur Glaris zogä. Zu dem Ziitpunkt isch diä erst Idee vom Späätfritig langsahm aber sicher id „Produktiu“ überä gangä. Mir händ noch es nüüs Liäd ihgstudiert. Nämlich eis wo sicher jedä kännt 😆
uuu ii ha gmeiiint… dr …tüüfel 😈 chäm im Füür und nid im rotä Chleid…im rotä Chleid…
Am Abed isch dän au nuch diä zweit Idee ds stand chu…nämlich alli mitänand es Fondue ds essä nebed d Bühni bim Rathuusplatz.
Am Sunntig nachem Umzug isch dän au üserä letztä Uftritt vo dener super Saison ufem Programm gstandä.
Ah dener Stell äs grosses Danggä ah alli Wiggisschränzer und natürlich au a allnä anderä wo üs dur diä Saison begleitet händ. Äs isch wieder ä mega schüni Ziit gsi.
Für alli wo nuch chli i Erinnerigä schwelgä wänd, lueget doch mal uf üserer Hompage id Fotigalerie innä 😉